Mae Mentrau Iaith Cymru yn mynd trwy’r broses o chwilio am aelodau bwrdd annibynnol. Rydym yn chwilio am unigolion sydd yn frwd dros gynyddu defnydd y Gymraeg yn eu cymunedau, er mwyn sicrhau ein bod yn diwallu anghenion y Mentrau Iaith yn effeithiol.
Mae 5 lle ar Fwrdd Cyfarwyddwyr newydd Mentrau Iaith Cymru. Rydym yn awyddus bod un o’r aelodau yn berson ifanc 19 – 25 oed, ac rydym yn arbennig yn awyddus i recriwtio unigolion sydd â phrofiad neu arbenigedd mewn:
- Cydraddoldeb a chynhwysiant
- Cysylltiadau cyhoeddus a marchnata
- Cynllunio ieithyddol a chymunedol
- Denu nawdd
Bydd y Bwrdd yn cwrdd 4 gwaith y flwyddyn a bydd aelodau’r bwrdd yn cynorthwyo’r cyfarwyddwyr gweithredol i roi cyfeiriad strategol i waith Mentrau Iaith Cymru ac i eirioli dros y mudiad wrth iddyn nhw gefnogi gwaith y 22 Menter iaith ar draws Cymru.
Mae hon yn rôl ddi-dal, ond telir treuliau rhesymol
Dyddiad cau ar gyfer ymgeiswyr yw 18 Hydref am hanner dydd
Am ragor o fanylion cysylltwch â post@mentrauiaith.cymru
