Mae pump o’r Mentrau Iaith wedi derbyn grantiau gwerth £105,449.63 o Grant Arloesi Llywodraeth Cymru, rhan o’r strategaeth y Llywodraeth i gynyddu’r nifer o siaradwyr Cymraeg i filiwn erbyn y flwyddyn 2050.
Newyddion cyffrous iawn i’r Mentrau Iaith gyda’r prosiectau i gyd yn canolbwyntio ar sut i gynyddu’r defnydd o’r iaith drwy arloesedd a thechnoleg.
Dyma flas i chi o brosiectau’r Mentrau sydd wedi cael eu hariannu:
Cered | £13,400.00 | Prosiect peilot: clybiau codio yn Ne Orllewin Cymru. |
Cered | £17,100.00 | Prosiect i droi llyfr poblogaidd “Caneuon Bys a Bawd” yn adnodd rhyngweithiol ar ffurf app. |
Menter Caerdydd | £15,820.00 | Prosiect i gynyddu cynnwys digidol Cymraeg drwy brosiect Wici Caerdydd , sydd â’r nod o gynyddu nifer yr erthyglau Cymraeg sydd ar gael ar Wicipedia, a phrosiect i hybu’r Gymraeg drwy Snapchat. |
Menter Iaith Abertawe | £20,000.00 | Datblygu ap i hyrwyddo iechyd a lles, e.e. myfyrio ac yoga. |
Menter Iaith Caerffili | £19,955.63 | Prosiect i greu cymuned newydd leol ar-lein yng Nghaerffili. Bydd hyn yn cynnwys datblygu clybiau a gweithgareddau wythnosol a misol, cyfleoedd gwirfoddoli a sianeli digidol ar-lein newydd. |
Menter Iaith Rhondda Cynon Taf | £19,174.00 | Dylunio gêm Gymraeg sythweledol ar ffurf antur episodig ar gyfer y llwyfan Steam. |
I ddarllen mwy am y Grant Arloesi ewch i wefan www.llyw.cymru